Шейх әл-Фаузанның (Аллаһ оны рахым етсін) шариғатпен билік етпейтін әмірлерді (билеушілерді) күпірлікте айыптау туралы шынайы пікірі қандай екендігін түсіндіруі

Categories: Бүлік,Такфир

Сұрақ қоюшы: Уа, шейх, кейбір адамдар сіздің «Китабу Таухид» кітабыңыздан Аллаһтың түсіргенінен өзге нәрсемен билік құруға (басқаруға) қатысты — сіз Аллаһтың түсіргенімен билік етпейтіннің әрбірін кәпір деп санайтыныңызды түсінді. Әрі олар бұл сөздерді Парсы шығанағы елдерінің әмірлеріне (билеушілеріне) қатысты қолдануда.

Шейх әл-Фаузан (Аллаһ оған есендік берсін, күліп жіберді): Олар менің сөздеріме емес, өздерінің құмарлықтарына сүйенеді. Менің сөздерім анық, түсінікті, әрі ол жерде кейіннен өзі шариғатты толығымен алып тастап, оның орнына ойдан шығарылған заңдарды орнатушы (туралы) – бұл оның ойдан шығарылған заңдарды шариғаттан жақсы деп санайтынына дәлел екендігі түсіндіріледі ғой. Ал кім осылай деп есептесе – сол кәпір.

Ал бұл адамдар менің сөздерімнің бір бөлігін алады да, басқа бір бөлігін тастайды. Егер олар менің сөздерімді басынан бастап оқығанда еді…

Сұрақ қоюшы: Ал шейх Мухаммад ибн Ибраһимнің  пікірі де осындай ма?

Шейх Салих әл-Фаузан (Аллаһ оған есендік берсін): Оның пікірі де осындай, иә: кім шариғатты алып тастап, оның орнына ойдан шығарылған заңдарды орнатса, осыда оның ойдан шығарылған заңдарды шариғаттан жақсырақ деп санайтынына дәлел бар. Ал кім ойдан шығарылған заңдар шариғаттан жақсырақ деп есептесе – сол кәпір, әрі барлық (ғалымдардың пікірі)  осылай.

Сұрақ қоюшы: Ал Парсы шығанағы билеушілеріне қатысты ше?

Шейх әл-Фаузан (Аллаһ оған есендік берсін): (дыбыс түсініксіз басылған)… Мен жалпы үкім туралы айтып тұрмын, ал нақты тұлғалар туралы – мен оларды сөз етіп тұрған жоқпын.

Сұрақ қоюшы: Яғни белгілі адамдар бойынша шешім мен жалпы үкім арасында айырмашылық бар ғой?  

Шейх әл-Фаузан (Аллаһ оған есендік берсін): …және жалпы үкім арасында.

Сұрақ қоюшы: Яғни сіз (кітапта) тек жалпы үкімге нұсқағыңыз келді ме?

Шейх әл-Фаузан (Аллаһ оған есендік берсін): Тек жалпы үкім, күмәнсіз.

Sheyh_Salih_Fauzan — ostavlenie_chastnogo_takfira.flv